پاکستان کے معروف ہدایت کار ، مصنف و اداکار یاسر حسین نے پاکستانی شوبز انڈسٹری کے حوالے سے نیا انکشاف کیا ہے۔

پاکستانی اداکاروں کے بارے میں بات کرتے ہوئے یاسر حسین نے کہا کہ برادریوں میں روز بروز اضافہ ہوتا جا رہا ہے اور یہ بالکل بھی قابل تعریف نہیں ہے۔

اداکار نے کہا کہ آج کل اداکار اور اداکارائیں انڈسٹری کی محفلوں میں آتی ہیں تو آپ کو سلام نہیں کرتیں، ان میں پتہ نہیں کیوں اتنا غرور آگیا ہے، مجھے سمجھ نہیں آتا۔

انہوں نے بتایا کہ لوگ آپ کو دیکھ کر نظر انداز کر دیتے ہیں یا ایسا محسوس کرواتے ہیں جیسے وہ آپ کو پہچاننے کی کوشش کر رہے ہیں، یہاں تک کہ وہ تب تک آپ کو سلام نہیں کریں گے جب تک آپ نہ کہو ،او اچھا آپ بھی آئے ہیں پھر وہ کہتے ہیں ہیلو۔

اس سے قبل اداکارہ اقرا عزیز اور یاسر حسین نے بیٹے کبیر حسین کی پہلی سالگرہ منائی تھی جس کی تصاویر اور ویڈیوز سوشل میڈیا پر وائرل ہوگئی تھیں۔

 اقرا  نے اپنے بیٹے کبیر حسین کی پہلی سالگرہ  پر گلابی رنگ کا لباس زیبِ تن کیا تھا جبکہ اُن کے بیٹے کو نیلی شرٹ میں دیکھا گیا۔

یاسر حسین نے اپنے انسٹا گرام اکاؤنٹ پر ایک فیملی ویڈیو شیئر کی تھی جس میں اُنہوں نے بیٹے کو گود میں اُٹھایا ہوا تھا اور ساتھ میں موجود اقرا بھی بہت خوش نظر آ رہی تھیں۔

اس موقع پر کبیر حسین کو شوبز شخصیات اور سوشل میڈیا صارفین کی جانب سے محبت بھرے پیغامات بھی موصول ہوئے تھے۔

یاد رہے کہ اقرا عزیز اور یاسر حسین 2019ء میں ایک پُروقار تقریب میں رشتۂ ازدواج میں منسلک ہوئے تھے، اور اس جوڑے کے ہاں گزشتہ برس ہی بیٹے کی پیدائش ہوئی تھی۔