بالی وڈ اداکار منوج باجپائی نے پاکستانی گلوکار فیصل کپاڈیا کا شکریہ ادا کردیا۔

 غیرملکی خبررساں ادارے کے مطابق اداکار منوج باجپائی کی ایک ویڈیو سوشل میڈیا پر وائرل ہو رہی ہے۔

سوشل میڈیا پر وائرل ہونے والی ویڈیو میں اداکار منوج کو اپنے کام کو سراہنے پر پاکستانی گلوکار فیصل کپاڈیا کا شکریہ ادا کرتے ہوئے دیکھا جا سکتا ہے۔

اداکار منوج نے فیصل کپاڈیا سے مخاطب ہوتے ہوئے اپنے پیغام میں کہا کہ’ہیلو، مجھے بھارتی صحافی سونیا سنگھ نے بتایا تھا کہ آپ میرے کام کی کتنی تعریف کرتے ہیں‘۔

اُنہوں نے کہا کہ ’میں آپ سے بس اتنا کہہ سکتا ہوں کہ میرے کام کو پسند کرنے کے لیے آپ کا بہت شکریہ‘۔

اُنہوں نے مزید کہا کہ’اسی طرح میرا کام اور میری فلمیں دیکھتے رہیں اور جو بھی کام میں کرتا ہوں اس کے لیے میری حوصلہ افزائی کرتے رہیں‘۔

واضح رہے اداکار منوج باجپائی نے ویڈیو کے اختتام میں اپنی بات مکمل کرتے ہوئے فیصل کپاڈیا کے لیے اپنی نیک تمناؤں کا اظہار بھی کیا۔