پاکستان کی سینئر اداکارہ و میزبان عفت عمر نے اداکار فیروز خان اور اداکارہ ثناء جاوید سے متعلق نیا انکشاف کیا ہے۔

عفت عمر نے اپنے انٹرویو میں فیروز خان اور ثناء جاوید سے متعلق نیا انکشاف کرتے ہوئے کہا کہ فیروز خان اور ثناء جاوید کے ساتھ اُن کا کام کرنے کا تجربہ بہت اچھا رہا، دونوں اداکار میرے ساتھ بہت عزت اور احترام سے پیش آتے تھے اور میں نے اِن دونوں سے بہت کچھ سیکھا بھی ہے۔

انہوں نے بتایا کہ اِن دونوں فنکاروں کے بہت نخرے ہیں، دونوں کو اپنے لیے الگ کمرہ اور الگ میک اپ آرٹسٹ چاہئیے ہوتا ہے، جسے دیکھ کر میں سوچتی ہوں کہ اچھا اگر یہ ایسا کر سکتے ہیں تو ہم کیوں نہیں۔

اداکارہ کا کہنا تھا کہ اب کام کرنے کا انداز بدل چکا ہے، یہ نئے فنکار ہیں اِن کی نئی ڈیمانڈز ہیں جو کہ اچھی بات ہے اور فنکاروں کو اتنا ہی نخریلا ہونا چاہئیے، ہمارے دور میں ایسا نہیں تھا، اب ہم بھی نئے فنکاروں سے سیکھ رہے ہیں کہ بطور اداکار اپنی ڈیمانڈز کیسے منوانی ہیں۔