ملک بھر میں مون سون بارشوں کا سلسلہ جاری ہے اور پاکستان شوبز انڈسٹری سے تعلق رکھنے والے فنکار اس موسم سے لطف اندوز ہو رہے ہیں اور سوشل میڈیا پر اپنی تصاویر اور ویڈیوز شیئر کر رہے ہیں۔

حال ہی میں معروف اداکارہ حرا مانی کی کچھ تصاویر سوشل میڈیا پر وائرل ہوئیں جس میں انہیں بارش میں بھیگتے ہوئے دیکھا جاسکتا ہے۔

اداکارہ کو تنقید کا سامنا اس لیے کرنا پڑا کیونکہ انہوں نے پیلے رنگ کی غیر مناسب ساڑھی زیب تن کی ہوئی تھی جو کہ مداحوں کو بلکل بھی پسند نا آئی۔

وائرل تصاویر میں یہ بھی دیکھا جاسکتا ہے کہ اداکارہ نے اپنے بالوں کو ایک مختلف انداز میں کھلا چھوڑا ہوا ہے۔

تصاویر سوشل میڈیا پر جیسے ہی وائرل ہوئیں تو ناقدین نے اداکارہ کو شدید تنقید کا نشانہ بناتے ہوئے کہا کہ آپ اچھا لباس پہن کر بھی اس بارش سے لطف اندوز ہو سکتی تھیں۔

واضح رہے کہ معروف اداکارہ نے ڈرامہ سیرل ’دو بول‘، ’میرے پاس تم ہو‘ اور کئی مشہور ڈراموں میں اپنی اداکاری کے جوہر دکھائے۔