پاکستان شوبز انڈسٹری کی خوبور اداکارہ حرا مانی کی دلکش تصاویر سوشل میڈیا پر وائرل ہو گئی ہیں۔

اداکارہ کی جانب سے فوٹو اینڈ ویڈیو شئیرنگ ایپ انسٹاگرام پر اپنی تصاویر پوسٹ کی گئی ہیں جس میں وہ اورنج کلر کی شرٹ اور اسکن کلر کی پینٹ پہنی ہوئی ہیں۔

ان تصاویر میں حرا مانی ایک بولڈ لیڈی لگ رہی ہیں ،اور اس لک کو ان کے مداحوں کی جانب سے بھی بہت پسند کیا جارہا ہے۔

حرا مانی کی تصاویر پر ان کے مداحوں کی جانب سے تعریفی کامنٹس کا سلسلہ بھی جاری ہے۔

اس سے قبل اداکارہ ایمن خان اورحرا مانی کو محرم الحرام میں ملی نغمہ گانا مہنگا پڑگیا تھا۔

چند دنوں پہلے دونوں اداکاراؤں کی ایک ویڈیو وائرل ہوگئی تھی جس میں وہ ملی نغمہ گا رہی تھیں۔

شیئر کی گئی ویڈیو میں دونوں اداکارائیں مشہور ملی نغمہ ایسی زمین اور آسمان گارہی تھیں۔

ویڈیو حرا مانی نے ماہِ آزادی کی مناسبت سے سفید اور سبز رنگ کے کپڑے پہنے ہوئے تھے جبکہ ایمن خان نے سبز رنگ کے کپڑے زیب تن کیے ہوئے تھے۔

ویڈیو وائرل ہوئی تو صارفین کی جانب سے شدید ردعمل سامنے آیا ،انہوں نے کہا کہ محرم الحرام جیسے بابرکت مہینے میں ملی نغموں اور گانوں سے گریز کرنا چاہئیے۔

اگرچہ ان کے اعمال میں بظاہر کچھ غلط نہیں تھا لیکن سوشل میڈیا صارفین کی جانب سے شہدائے کربلا کو خراج عقیدت پیش کرنے کے لیے گانے یا ناچنے سے گریز کرنے کا مشورہ دیا گیا۔