بالی وڈ اداکار وجے ورما نے عالیہ کے ساتھ شوٹنگ کے دوارن ہونے والے سین کے حوالے سے بات کر لی۔

غیر ملکی خبر رساں ادارے کے مطابق اداکار وجے ورما نے اعتراف کیا ہے کہ انہیں ایک فلم کی شوٹنگ کے دوران خدشہ تھا کہ کہیں وہ عالیہ بھٹ کو غلطی سے زخمی نہ کردیں۔

نیٹ فلکس پر حال ہی میں ریلیز ہونے والی گھریلو تشدد کے موضوع پر مبنی فلم ڈارلنگز نے جہاں شائقین میں دھوم مچادی ہے وہیں اس میں گھریلو تشدد دکھانے پر تنقید بھی کی جارہی ہے۔

انہوں نے کہا کہ وہ اور عالیہ بھٹ فلم میں میاں بیوی کا کردار نبھا رہے ہیں جن کے درمیان خوش گوار لمحات نہیں ہیں اس لیے مجھے شوٹنگ کے دوران ہر وقت یہ ہی ڈر لگا رہتا تھا کہ میں کہیں ساتھی اداکاروں خاص طور سے عالیہ کو زخمی نہ کردوں۔

تاہم ہر سین ریکارڈ کرواتے ہوئے ہر چیز اور ہر ایکشن پر پہلے ہی تبادلہ خیال کرلیا کرتا تھا۔

یاد رہے کہ اس گھریلو تشدد کے موضوع پر مبنی اس فلم میں عالیہ بھٹ، شیفالی شاہ اور وجے ورما نے مرکزی کردار ادا کیا ہے۔

واضح رہے کہ جب کبھی گھریلو تشدد کا ذکر کیا جاتا ہے تو فوراً ذہن میں یہی آتا ہے کہ ا س کا نشانہ یقیناً خواتین ہوں گی جبکہ فلم ڈارلنگز حقیقت کے برعکس ہے، اس میں مردوں کا استحصال دکھایا گیا ہے۔