پاکستان کی مشہور اداکارہ سائرہ یوسف کی مغربی لباس میں خوبصورت تصویر وائرل ہو گئی ہے۔

حال ہی میں اداکارہ سائرہ یوسف نے اپنے تصدیق شدہ انسٹاگرام اکاؤنٹ پر تصویر پوسٹ کی ہے جسے مداحوں کی جانب سے خوب پسند کیا جا رہا ہے۔

شیئر کی گئی تصویر میں اداکارہ نے مغربی لباس زیب تن کیا ہوا ہے۔

بہروز سبزواری کا سائرہ یوسف سے متعلق اہم انکشاف

پاکستان شوبز انڈسٹری کے سینئر اداکار بہروز سبزواری نے اپنی سابقہ بہو سائرہ یوسف سے متعلق اہم انکشاف کیا ہے۔

حال ہی میں اداکار نے ایک ویب شو میں انٹرویو دیتے ہوئے بیٹے شہروز سبزواری اور سائرہ یوسف کی طلاق سے متعلق بات کی۔

بہروز سبزواری کا کہنا تھا کہ سائرہ آج بھی میری بیٹی ہے، اس کی اور شہروز کی کیمسٹری نہیں مل سکی تو اس میں ہم کچھ نہیں کر سکتے، یہ سب اللّٰہ کے کام ہیں۔

انہوں نے کہا کہ اس معاملے پر ہمیں سوشل میڈیا پر شدید تنقید کا سامنا کرنا پڑا اور وہ وقت دونوں فیملیز کے لیے بہت سخت تھا، یہ نجی معاملہ تھا لیکن سوشل میڈیا پر لوگ شاید ہمیں اپنی جاگیر سمجھتے ہیں۔

اداکار نے کہا کہ آج کے دور میں سوشل میڈیا نے سب کچھ تباہ کر دیا ہے۔

بہروز سبزواری نے کہا کہ سائرہ ہماری بچی ہے اور نورے تو ہماری جان ہے۔

اداکار بہروز نے کہا کہ ہم نے کبھی سائرہ کو اپنی فیملی سے الگ نہیں سمجھا اور نہ ہی ایسا کبھی سمجھیں گے، میں تو کئی بار سائرہ کو یہ بات کہہ چکا ہوں کہ اب زندگی میں آگے بڑھو، میں تمہارے پیچھے کھڑا ہوں۔