بالی ووڈ اداکار رنویر سنگھ کے بعد اب ایک اور معروف بھارتی مسلمان اداکار کے برہنہ فوٹو شوٹ کی تصاویر بھی سامنے آگئی ہیں۔

انڈیا ٹوڈے کے مطابق بگ باس سے شہرت پانے والے عاصم ریاض نے بظاہر یہ فوٹو شوٹ رنویر سنگھ سے بہت پہلے 2017 میں کروایا تھا مگر عاصم نے اب تک اس فوٹو شوٹ کی تصاویر شیئر نہیں کی تھیں۔

اب اداکار رنویر سنگھ سے متاثر ہو کر عاصم نے بھی اپنے برہنہ فوٹو شوٹ کی تصاویر انسٹاگرام اکاؤنٹ پر شیئر کر دی ہیں۔

انہوں نے اپنی پوسٹ کے کیپشن میں لکھا کہ رنویر سے متاثر ہو کر۔

عاصم ریاض کی ان تصاویر پر سوشل میڈیا صارفین کی جانب سے مختلف تبصروں کا سلسلہ شروع ہوچکا ہے۔

ایک صارف نے لکھا کہ بھائی کچھ زیادہ نہیں ہو گیا یہ۔

واضح رہے کہ رنویر سنگھ نے ایک میگزین کے لیے عریاں فوٹو شوٹ کروایا جس پر تنقید کی جارہی ہے اور معاملہ پولیس کے پاس بھی پہنچ چکا ہے تاہم اداکار کی جانب سے تاحال اس فوٹو شوٹ کے بارے میں بات نہیں کی گئی۔