پاکستان کی معروف ٹک ٹاکر و اداکارہ حریم شاہ اور ان کے شوہر بلال شاہ سے متعلق نئی ویڈیو نے مداحوں کو کشمکش میں ڈال دیا ہے۔

ٹک ٹاکر کی جانب سے اپنے آفیشل اکاؤنٹ انسٹاگرام پر ایک ویڈیو پوسٹ کی گئی ہے۔

اداکارہ نے اس ویڈیو میں ایسا گانا اپنے اکاؤنٹ پر شئیر کیا ہے جس کے بعد سوشل میڈیا صارفین کی جانب سے یہ سمجھا جارہا ہے کہ حریم شاہ اور بلال شاہ کے درمیان علیحدگی ہو گئی ہے۔

اس ویڈیو کے وائرل ہوتے ہی صارفین کی جانب سے مختلف تبصروں کا سلسلہ بھی شروع ہوچکا ہے۔

اس سے قبل ٹک ٹاکر نے اپنی یوٹیوب ویڈیو میں مداحوں کو طبیعت کے حوالے سے بتایا تھا کہ ان دنوں میری طبیعت ناساز ہے جس کی وجہ سے مجھے سُستی ہو رہی ہے۔

انہوں نے مداحوں سے اپیل کرتے ہوئے کہا تھا کہ میری جلد صحتیابی کے لیے دُعا کریں۔

 ویڈیو میں وہ اپنے مداحوں کو تُرکی کے حسین مناظر بھی دکھا رہی تھیں۔

اس کے علاوہ ویڈیو میں حریم شاہ کو اپنے شوہر کے ہمراہ ترکی سپر سٹور میں گھر کی ضروری اشیاء کی خریداری کرتے بھی دیکھا جاسکتا ہے

گزشتہ دنوں حریم شاہ نے یوٹیوب چینل پر ایک ویڈیو شیئر کی تھی جس میں وہ اپنے شوہر بلال شاہ کے ہمراہ بیٹھی تھیں۔

ویڈیو میں ٹک ٹاکر نے گرفتاری کی جھوٹی خبروں پر برہمی کا اظہار کرتے ہوئے کہا تھا کہ ہمارے بارے میں ہمیشہ غلط خبریں پھیلائی جاتی ہیں۔

انہوں نے کہا کہ میں اپنے حوالے سے گردش کرتی تمام افواہوں کی تردید کرتی ہوں۔

اس سے قبل بھی یہ خبر آئی تھی کہ مجھے قطر سے ڈی پورٹ کیا گیا ہے، میں اس وقت خاموش رہی کیونکہ اس قسم کی خبروں پر میں کیا ردعمل دوں۔

اداکارہ کا کہنا تھا کہ لوگ پتہ نہیں کیوں ہر دوسرے دن میرے بارے میں غلط خبر  پھیلا دیتے ہیں۔

ٹک ٹاکر نے بتایا کہ وہ پاکستان سے باہر رہائش پذیر ہیں اور  ایسی جھوٹی خبروں یا ان مسائل کے لیے پاکستان نہیں آسکتیں تاہم وہاں ان کا قانونی ترجمان منیر احمد موجود ہے جو ان کے تمام معاملات دیکھ رہا ہے۔

حریم شاہ اور ان کے شوہر بلال شاہ نے پاکستانی صحافیوں سے اپیل کی کہ ان سے متعلق غیر مصدقہ خبروں کو نہ پھیلائیں۔