پاکستان شوبز انڈسٹری کی سابقہ اداکارہ اور اداکار حمزہ علی عباسی کی اہلیہ نیمل خاور کو برائیڈل فوٹو شوٹ کروانا مہنگا پڑگیا۔

حال ہی میں نیمل خاور نے ایک فوٹو شوٹ کروایا جس میں انہیں سرخ لباس پہنے دیکھا جاسکتا ہے، اس شوٹ کی تصاویر وائرل ہوتے ہی سوشل میڈیا صارفین نے نیمل خاور کو آڑے ہاتھوں لے لیا۔

سابقہ اداکارہ کی تصاویر دیکھ کو صارفین کی جانب سے ملے جلے تبصروں کا سلسلہ جاری ہے، کچھ کا کہنا ہے کہ وہ پشتو فلم کی ہیروئن لگ رہی ہیں جبکہ ایک مداح نے کہا کہ کیا وہ برائیڈل شوٹ میں اپنے حمل کا اعلان کر رہی ہیں؟

اس سے قبل اداکارہ نے ایک لائیو سیشن رکھا تھا جس میں ان سے پوچھا گیا کہ کیا وہ اسکرین پر واپسی کریں گی؟

جواب میں اداکارہ کا کہنا تھا کہ اگر وہ شوٹنگ کے شیڈول کے ساتھ اپنی فنکاری اور اپنے بچے کا انتظام کر سکتی ہیں تو وہ واپس آ سکتی ہے۔

یاد رہے کہ نیمل خاور ایک فنکارہ ہیں اور انہوں نے ماہرہ خان کی فلم ورنا سے اپنی اداکاری کا آغاز کیا، بعد ازاں انہوں نے ڈراموں میں اپنی اداکارانہ صلاحیتوں سے سب کا دل جیت لیا۔

اداکار حمزہ علی عباسی سے شادی کے بعد اداکارہ نے شوبز کو خیرباد کہہ دیا۔