پاکستان شوبز انڈسٹری کی مشہور اداکارہ عروہ حسین نے اپنے شوہر و اداکار فرحان سعید سے علیحدگی کی خبروں پر خاموشی توڑ دی۔

حال ہی میں ادکارہ نے نجی چینل کو انٹرویو دیتے ہوئے بتایا کہ میں نے 17 سال کی عمر میں وی جے کے طور پر کام کرنا شروع کیا تھا، لیکن اس سے پہلے میں نے 14 سال کی عمر میں ٹیوشن دینا شروع کیا تھا۔

انہوں نے بتایا کہ زندگی گزارنے کے لیے کسی مرد کی ضرورت نہیں ہوتی، آپ چاہتے ہیں کہ ایک مرد ہو لیکن یہ لازمی نہیں ہے۔

عروہ حسین نے اپنی رائے کا اظہار کرتے ہوئے کہا کہ مجھے لگتا ہے ، زندگی میں مرد کی ضرورت نہیں ہوتی۔

اس سے قبل ادکارہ نے اپنے انسٹاگرام اکاؤنٹ پر چند تصاویر شیئر کی تھیں۔

تصاویر میں اداکارہ نے سفید رنگ کا خوبصورت لباس زیب تن کیا ہوا تھا اور جیولری بھی پہنی ہوئی تھی۔

اداکارہ کی مختلف پوز میں تصاویر مداحوں کو بہت پسند آئی تھیں۔

تصاویر سوشل میڈیا پر وائرل ہوئیں تو صارفین کی جانب سے اداکارہ کے لئے تعریفیں کی گئیں کچھ صارفین کو ان کا لباس پسند آیا تو کچھ کو اداکارہ کا یہ انداز پسند آیا۔

یاد رہے کہ معروف اداکارہ پاکستان کے کئی مشہور ڈراموں میں اپنی اداکاری کے جوہر دکھا چکی ہیں۔