پاکستان کی مشہور ٹک ٹاک اسٹارحریم شاہ اکثر سوشل میڈیا پر متحرک نظر آتی ہیں اور نت نئی ویڈیوز شیئر کرتی رہتی ہیں لیکن کئی بار انہیں اپنے انداز کی وجہ سے سخت تنقید کا سامنا کرنا پڑتا ہے۔

حال ہی میں حریم شاہ نے اپنے انسٹاگرام اکاؤنٹ پر ایک ویڈیو شیئر کی جس میں وہ بالی وڈ گانے’بن تیرے کچھ نہیں‘ پر اداکاری کرتی ہیں اور موبائل فون میں شوہر (بلال شاہ)کی تصویر دکھا کر ان کے لئے گانا گنگناتی ہیں۔

شیئر کی گئی ویڈیو میں دیکھا جاسکتا ہے کہ حریم شاہ نے سفید رنگ کی ٹی شرٹ اور ٹراؤزر پہنا ہوا ہے جس کی وجہ سے انہیں شدید تنقید کا سامنا کرنا پڑ رہا ہے۔

ویڈیو سوشل میڈیا پر وائرل ہوئی تو صارفین کی جانب سے حریم شاہ کے لباس پر سخت تنقید کی گئی اور انہیں مشورہ دیا کہ وہ مناسب اور خوبصورت لباس زیب تن کریں۔

اس سے قبل بھی حریم شاہ کئی بار اپنے انداز کی وجہ سے سرخیوں میں رہ چکی ہیں۔