پاکستان کی سابقہ اداکارہ عائشہ خان ایتھلیٹ ارشد ندیم کی کامن ویلتھ گیمز میں ناقابلِ یقین کارکردگی کی معترف ہو گئیں۔

 عائشہ نے فوٹو اینڈ ویڈیو شیئرنگ ایپ انسٹاگرام پر برمنگھم میں ہوئے کامن ویلتھ گیمز سے ایتھلیٹ ارشد ندیم کی شاندار کامیابی کے یادگار لمحے کی ویڈیو شیئر کی۔

سابقہ اداکارہ نے ویڈیو شیئر کرتے ہوئے کیپشن میں لکھا کہ کیا حیرت انگیز کارنامہ ہے۔

عائشہ خان نے لکھا کہ تمام مشکلات اور زندگی بھر کی محنت سے ارشد ندیم نے ناممکن کو ممکن کر دکھایا اور کروڑوں پاکستانیوں کے دلوں میں امیدیں جگانے کے ساتھ ساتھ ان کے خوابوں کو بھی سچ کر دکھایا۔

اُنہوں نے لکھا کہ بالکل کچھ بھی ممکن ہے، آپ کو بس کرنا یہ ہے کہ کبھی ناامید نہیں ہونا۔

عائشہ خان نے ارشد ندیم کی کامیابی پر خوشی کا اظہار کرتے ہوئے لکھا کہ پوری قوم کو ارشد ندیم پر فخر ہے۔

یاد رہے کہ ریکارڈ بک میں اپنا نام درج کروانے کے ساتھ ساتھ ارشد ندیم 90 میٹر کی تھرو کرنے والے اسپیشل کلب میں بھی شامل ہوگئے جبکہ ان کے حریف بھارت کے نیرج چوپڑا کی سب سے بڑی تھرو 89.94 میٹر ہے۔

واضح رہے ک حال ہی میں ورلڈ ایتھلیٹک چیمپئن شپ میں چاندی کا تمغہ جیتنے والے نیرج انجری کا شکار ہونے کے باعث کامن ویلتھ گیمز میں شرکت نہیں کرسکے تھے۔