معروف سینئر گلوکارہ نصیبو لعل نے ایک بار پھر اپنی سریلی آواز سے مداحوں کا دل جیت لیا۔

سوشل میڈیا کے مختلف پیجز پر ایک ویڈیو وائرل ہو گئی ہے جسے دیکھنے کے بعد صارفین گلوکارہ کی تعریف کیے بغیر نہ رہ سکے۔

ویڈیو میں نصیبو لعل ایک صوفی نظم پڑھ رہی ہیں جس نے ان کے مداحوں کو حیرت میں ڈال دیا۔

گلوکارہ کے چاہنے والوں کی جانب سے اس کلام کو بہت پسند کیا جارہا ہے اور ان کی تعریفوں کا سلسلہ بھی جاری ہے۔

اس سے قبل سوشل میڈیا کے مختلف پلیٹ فارمز پر گلوکارہ نصیبو لعل اور ان کے بیٹے کی ویڈیو تیزی سے وائرل ہو گئی تھی۔

ویڈیو میں نصیبو لعل نے لندن، برمنگھم میں لائیو شو کے دوران اپنے بیٹے مراد حسین کو مداحوں سے ملوایا تھا۔

وائرل ویڈیو میں نصیبو لعل اور مراد حسین کو ایک ساتھ پرجوش آواز میں گانا گاتے ہوئے بھی دیکھا گیا تھا۔

گزشتہ دنوں نصیبو لعل کے ریلیز ہونے والے گانے نے دنیا بھر کے لوگوں کو دیوانا کر دیا تھا۔

 گلوکارہ نصیبو لعل کے گیت تو جھوم نے بھارتی گلوکار ہنس راج رگھوونشی پر بھی جادو کر دیا تھا۔

سوشل میڈیا پر گلوکار ہنس راج رگھوونشی کی ایک ویڈیو وائرل ہوگئی تھی۔

 ہنس راج رگھوونشی کو گلوکارہ نصیبو لعل کی آواز کی تعریف کرتے ہوئے دیکھا گیا تھا۔

اُنہوں نے نصیبو لعل کے بارے میں کہا تھا کہ وہ گلوکارہ کے فین ہوگئے ہیں۔

اُن کا مزید کہنا تھا کہ میڈم کے بعد ایک نمایاں آواز آئی جوکہ پوری دنیا پر چھاگئی۔

ہنس راج نے کہا تھا کہ نصیبوں والی نصیبو لعل واحد فنکارہ ہیں جوکہ ورسٹائل ہیں، بہت سُریلی ہیں اور ہم سب اُن کے مداح ہیں۔

یاد  رہے کہ نصیبو لعل نے لیجنڈری صوفی گائیک عابدہ پروین کے ساتھ کوک اسٹوڈیو کے 14ویں سیزن کے آغاز پر ریلیز ہونے والے گانے تو جھوم میں اپنی سُریلی آواز سے رنگ جمایا تھا۔