پاکستان شوبز انڈسٹری کی مشہور اداکارہ ایمن سلیم نے اداکاری کے بعد اب میزبانی کی طرف آنے کا فیصلہ کر لیا ہے۔

حال ہی میں اداکارہ ایمن سلیم نے سماجی رابطے کی فوٹو اینڈ ویڈیو شیئرنگ ایپ انسٹا گرام اکاؤنٹ پر سوال جواب کا ایک سیشن رکھا جس میں اداکارہ نے اپنے مداحوں کے سوالات کے جواب بھی دیئے۔

اسی دوران ایک صارف نے ایمن سلیم کا موازنہ ندا یاسر سے کیا اور کہا کہ آپ میزبانی کیوں نہیں کرتیں؟ آپ جس طرح بغیر رُکے بولتی رہتی ہیں آپ ندا یاسر کو بھی پیچھے چھوڑ دیں گی۔

صارف کے اس جملے پر اداکارہ نے برہمی کا اظہار کیا اور کہا کہ آپ کو کچھ بھی زیادہ اچھے طریقے سے کرنے کے لیے کسی دوسرے کو ہرانا ضروری نہیں ہوتا بلکہ ایک دوسرے کے ساتھ رہنا اور ایک دوسرے کو برداشت کرنا سیکھنا چاہیئے۔

یہ بھی پڑھیں: اداکارہ ایمن سلیم ڈراموں میں کس طرح کے کردار کرنا چاہتی ہیں؟

ان کا کہنا تھا کہ ویسے میں آپ کی رائے سے متفق ہوں مجھے لگتا ہے کہ میں گیم شو بہترین طریقے سے ہوسٹ کرسکتی ہوں۔

یاد رہے کہ ایمن سلیم پاکستان کے سابق کرکٹر سلیم یوسف کی صاحبزادی اور رشتے میں پاکستان کی سابق پاپ گلوکارہ نازیہ حسن کی بھانجی ہیں۔

ایمن سلیم نے گزشتہ برس رمضان کے ایک اسپیشل ڈرامے سے اداکاری کے میدان میں قدم رکھا تھا۔