پاکستان شوبز انڈسٹری کی معروف اداکارہ ایمن خان کی تصویر سوشل میڈیا پر وائرل ہو گئی ہے۔

ایمن خان نے اپنے تصدیق شدہ اکاؤنٹ انسٹاگرام پر ایک تصویر پوسٹ کی ہے۔

شئیر کی گئی تصویر میں اداکارہ کا سادہ لک مداحوں کو بے حد پسند آرہا ہے جس پر تعریفوں کا سلسلہ بھی جاری ہے۔

اس سے قبل ایمن خان نے اپنے تصدیق شدہ اکاؤنٹ انسٹاگرام پر ایک تصویر پوسٹ کی تھی جس میں انہیں خود سے رِنگ لائٹ میں سیلفی لیتے ہوئے دیکھا گیا تھا۔

گزشتہ دنوں ایمن خان کو اپنی بیٹی امل کے ساتھ کراچی میں ہونے والے ایک ایونٹ میں دیکھا گیا تھا۔

اداکارہ سے پوچھا گیا کہ کیا وہ اداکاری میں واپس آئیں گی؟ جواب میں ایمن نے کہا کہ مجھے لگتا ہے میں تھوڑا اور وقت لوں گی کیونکہ میری بیٹی بہت چھوٹی ہے اور میں اسے اکیلا نہیں چھوڑنا چاہتی۔

انہوں نے کہا کہ میں نے بہت کام کیا ہے اور اب مجھے شوبز سے بریک لیتے ہوئے 4 سال ہو گئے ہیں، اگر مجھے اچھا اسکرپٹ ملا تو میں اداکاری میں واپس آؤں گی۔

اداکارہ کا کہنا تھا کہ مجھے یہ دیکھ کر خوشی ہوئی کہ مداح ٹیلی ویژن اسکرین پر میری واپسی کا انتظار کر رہے ہیں۔

واضح رہے کہ اداکارہ ایمن خان نے چائلڈ اسٹار کے طور پر شوبز انڈسٹری میں ڈیبیو کیا تھا اور بہت جلد سامعین کی محبت اور پذیرائی حاصل کی۔

ایمن خان اداکار منیب بٹ سے شادی کے بعد اداکاری کی دُنیا سے دور ہو گئیں ہیں۔