پاکستان کے معروف اداکار حماد شعیب اور اداکارہ مشال خان کے ڈانس نے سوشل میڈیا پر دھوم مچا دی۔

حماد شعیب نے فوٹو اینڈ ویڈیو شئیرنگ ایپ انسٹاگرام پر ایک ویڈیو شئیر کی ہے جس میں انہیں ڈانس کرتے ہوئے دیکھا جاسکتا ہے۔

اس ویڈیو کو دونوں اداکاروں کے مداحوں کی  جانب سے خوب پسند کیا جارہا ہے اور انکی تعریفوں کا سلسلہ بھی جاری ہے۔

اس سے قبل سوشل میڈیا کے مختلف پیجز پر ایک ویڈیو وائرل ہو گئی تھی جس میں مشال خان اور حماد شعیب کو بھارتی گانے ڈانس کرتے ہوئے دیکھا گیا تھا۔

اس ویڈیو کو 6 لاکھ سے زائد صارفین نے دیکھا اور پسند کیا تھا۔

گزشتہ دنوں مشال خان کی ایک ویڈیو وائرل ہوئی تھی جس میں اداکارہ کو ان کے میک اپ آرٹسٹ اسٹیل بھٹی کے ساتھ ڈانس کرتے ہوئے دیکھا گیا تھا۔

وائرل ویڈیو میں اداکارہ اور ان کے میک اپ آرٹسٹ ایک میوزک پر رقص کر رہے تھے۔

اس ویڈیو میں اداکارہ نے سیاہ رنگ کی شرٹ اور ٹراؤزر پہنا ہوا تھا جبکہ ان کے میک اپ آرٹسٹ نے نارنجی رنگ کی شرٹ اور سیاہ رنگ کی پینٹ پہنی ہوئی تھی۔

واضح رہے کہ دونوں فنکار اداکاری کے ساتھ ساتھ ماہر ڈانسر بھی ہیں۔