شاہ رخ خان کی اہلیہ گوری خان کا دلکش فوٹو شوٹ وائرل ہو گیا۔

گوری خان نے سوشل میڈیا پلیٹ فارم انسٹاگرام پر اپنی چند تصاویر شیئر کیں جنہیں مداحوں کی جانب سے بہت پسند کیا جا رہا ہے۔

انسٹاگرام پر پوسٹ کی جانے والی تصاویر میں گوری خان کو سیاہ بولڈ لباس میں دیکھا جاسکتا ہے۔

یاد رہے کہ گشتہ دنوں سے مداحوں نے قیاس آرائیاں شروع کر دی ہیں کہ بالی وڈ اداکارہ کترینہ کیف اور بالی ووڈ کنگ شاہ رخ خان کی اہلیہ گوری خان ایک ساتھ کس پروجیکٹ میں جلوہ گر ہوں گے۔

بھارت کی مشہور اداکارہ کترینہ کیف اور گوری خان نے گزشتہ دنوں سوشل میڈیا پلیٹ فارم انسٹاگرام پر اپنی چند تصاویر شیئر کیں جنہیں مداحوں کی جانب سے بہت پسند کیا گیا تھا۔

 تصاویر کے کیپشن میں کترینہ کیف نے گوری خان کو ٹیگ کرتے ہوئے لکھا تھا کہ ڈریمی فلورلز گوری خان کے ساتھ کچھ بہت جلد آرہا ہے۔ اس کیپشن میں انہوں نے پھول اور گھر کا ایموجی بھی بنایا۔

اس تصویر کے کمنٹس میں گوری خان نے بھی تصدیق کرتے ہوئے لکھا  تھاکہ بڑے انکشاف کے لیے مُنتظر ہوں۔

گوری خان کے اس تصدیقی کمنٹ کے بعد مداحوں کی جانب سے قیاس آرائیاں کی گئی کہ کترینہ کسی ہوم ویئر کلیکشن میں حصہ لے رہی ہیں کیونکہ گوری ایک انٹیریئر ڈیزائنر ہیں۔

واضح رہے کہ بالی ووڈ اداکارہ کترینہ کیف سوشل میڈیا پر متحرک نظر آتی ہیں ، وہ اپنی ویڈیوز اور تصاویر اپنے مداحوں سے شیئر کرتی رہتی ہیں جنہیں مداحوں کی جانب سے بہت پسند کیا جاتا ہے۔