پاکستان شوبز انڈسٹری کی خوبرو اداکارہ یمنیٰ زیدی نے اپنی کامیابی اور ترقی کی وجہ اپنے والدین کو قرار دے دیا۔

یمنیٰ زیدی نے اپنی سالگرہ کے موقع پر اپنے والدین کی شادی کی اور اپنے بچپن کی تصاویر انسٹا گرام اکاؤنٹ پر شیئر کی ہیں۔

شئیر کی گئی پوسٹ کے کیپشن میں اداکارہ نے اپنی والدہ اور مرحوم والد کے لیے جذباتی پیغام لکھا کہ اس سالگرہ کے موقع پر میں اپنی امّی اور بابا (مرحوم) کے بارے میں لکھنا چاہتی ہوں۔

یمنیٰ زیدی نے لکھا کہ میں محسوس کرتی ہوں میں آج جو ہوں وہ اس لیے ہوں کیونکہ میں ان کی مہربانی، خوبصورتی، بہادری، انتہائی مطمئن اور ہمدرد طبیعت کا بے مثال امتزاج رکھتی ہوں۔

اداکارہ نے لکھا کہ میں نے ان کے ساتھ جتنا زیادہ وقت گزارا ہے میں نے محسوس کیا ہے کہ میں کتنی خوش قسمت ہوں کہ میرے اندر ان کا خون ہے۔

انہوں نے اپنے والدین سے مخاطب ہوتے ہوئے کہا کہ میں واقعی قابلِ فخر بیٹی ہوں اور تمام صلاحیتوں میں میری کامیابیاں صرف آپ دونوں کی وجہ سے ہیں۔

واضح رہے کہ اداکارہ یمنیٰ زیدی پاکستان کی ایک باصلاحیت اداکارہ ہیں۔