پاکستان شوبز انڈسٹری کی مشہور و معروف اداکارہ نیلم منیر کا جشن آزادی پر منفرد انداز مداحوں کو بھا گیا۔

نیلم منیر نے پاکستان کی 75 ویں جشن آزادی کے موقع پر اپنی خوبصورت تصاویر شیئر کی ہیں جو دیکھتے ہی دیکھتے سوشل میڈیا کی زینت بن گئیں۔

تصاویر میں دیکھا جاسکتا ہے کہ نیلم منیر قومی جھنڈے سے مطابقت رکھتے ہوئے سبز رنگ کا دوپٹہ اور سفید رنگ کا لباس زیب تن کی ہوئی ہیں جس میں وہ اور بھی حسین لگ رہی ہیں۔

انہوں نے تصاویر شئیر کرتے ہوئے کیپشن میں لکھا کہ پاکستان زندہ باد، آزادی پائندہ باد۔

اس سے قبل اداکارہ نے فوٹو اینڈ ویڈیو شیئرنگ ایپ انسٹا گرام اکاؤنٹ پر اپنی تصاویر شیئر کی تھیں جس میں انہوں نے چمکتا ہوا پیلا رنگ کا لباس زیبِ تن کیا ہوا تھا۔

اداکارہ کی تصاویر کو ان کے مداحوں کی جانب سے بھی خوب پسند کیا گیا تھا۔

یاد رہے کہ اداکارہ نیلم منیر کے چاہنے والے نہ پاکستان بلکہ سرحدپار بھی موجود ہیں۔

انہوں نے اپنے کیریئر کی شروعات ڈرامہ انڈسٹری سے کی اور دیکھتے ہی دیکھتے سپرہٹ اداکارہ بن گئی، کامیابیاں حاصل کرتے اداکارہ نے فلم دنیا میں بھی انٹری دی جس پر ان کی مقبولیت میں مزید اضافہ ہوا۔

نیلم منیر کو بہترین اداکاری پرمتعدد ایوارڈز سے بھی نوازا جاچکا ہے جس پر آج ان کا نام کسی تعریف کا محتاج نہیں ہے۔