پاکستان شوبز انڈسٹری کی معروف اداکارہ عائشہ عمر اکثر سوشل میڈیا پر اپنی تصاویر اور ویڈیوز شیئر کرتی رہتی ہیں لیکن کئی بار انہیں اپنے لباس کے چناؤ کی وجہ سے تنقید کا سامنا کرنا پڑتا ہے۔

حال ہی میں معروف اداکارہ نے اپنے انسٹاگرام اکاؤنٹ پر چند تصاویر شیئر کی ہیں جس کے بعد وہ ناقدین کے نشانےپر آگئیں۔

شیئر کی گئی تصاویر میں دیکھا جاسکتا ہے کہ عائشہ عمر  سیاہ رنگ کے غیر مناسب کپڑوں میں ملبوث ہیں۔

تصاویر میں یہ بھی دیکھا جاسکتا ہے کہ اداکارہ کے ہمراہ ساتھ اداکار ہمایوں سعید اور عدنان صدیقی بھی موجود ہیں۔

تصاویر سوشل میڈیا پر وائرل ہوئیں تو صارفین کی جانب سے اداکارہ پر کافی تنقید کی اور ان کے لباس پر سوالات اٹھائے۔

کچھ سوشل میڈیا صارفین نے انہیں خوبصورت لباس پہنے کا مشورہ دیا تو کچھ نے ان سے کہا کہ کم از کم محرم الحرام کے مہینے کا ہی احترام کرلیں۔

واضح رہے کہ معروف اداکارہ نے ڈرامہ سیریل ’کچھ لمحے زندگی کے‘، ’میری ذات ذرہ بے نشاں‘، ’بلبلے‘ اور کئی ڈراموں میں اپنی اداکاری کے جوہر دکھائے۔