پاکستان شوبز انڈسٹری کی مشہور اداکارہ سارہ خان کو نئی تصاویر شیئر کرنا مہنگا پڑگیا۔

سوشل میڈیا کے مختلف پیجز پر ایک تصویر وائرل ہو گئی ہے جس میں اداکارہ سارہ خان اور میرب علی کو ایک ساتھ دیکھا جاسکتا ہے۔

اس وقت سارہ خان کا نیا ہیئر اسٹائل انٹرنیٹ پر دھوم مچا رہا ہے جو کہ انہوں نے اپنے آنے والے سیریل کے لیے کروایا ہے۔

سارہ کے نئے ہیئر اسٹائل کو ان کے مداحوں نے ناپسندیدہ قرار دیا۔

مداحوں کا کہنا ہے کہ ان کے نئے بینگ ان پر اچھے نہیں لگ رہے اور یہ سارہ کے چہرے کے کٹ کے مطابق نہیں ہیں جبکہ کچھ کا کہنا ہے کہ ان کے لمبے بالوں کی شکل انتہائی خوبصورت تھی۔

ایک مداح نے کہا کہ سارہ کی یہ تصویر اچھی نہیں لگ رہی، ایک اور مداح نے کہا کہ میرب نے جان بوجھ کر یہ تصویر پوسٹ کی ہے۔

اس سے قبل ادکارہ نے اپنے انسٹاگرام اکاؤنٹ پر ایک ویڈیو شیئر کی تھی جس میں وہ رومینٹک بارش کے  موسم سے لطف اندوز ہو رہی تھیں۔

شیئر کی گئی ویڈیو میں اداکار ہ نے خوبصورت لباس زیب تن کیا ہوا تھا جسے مداحوں کی جانب سے خوب پسند کیا جارہا ہے۔

واضح رہے کہ سارہ خان ایک انتہائی خوبصورت، باصلاحیت اور پیاری اداکارہ ہیں۔

اداکارہ نے گلوکار فلک شبیر سے شادی کی ہے، اور اس جوڑے کی ایک پیاری بیٹی عالیانہ فلک بھی ہے۔