پاکستانی اداکارہ حرامانی کی دلکش تصاویر سوشل میڈیا پر وائرل ہو گئی ہیں۔

حال ہی میں اداکارہ نے اپنے انسٹاگرام اکاؤنٹ پر چند تصاویر شیئر کی ہیں جنہیں مداحوں کی جانب سے خوب پسند کیا جا رہا ہے۔

شیئر کی گئی تصاویر میں دیکھا جا سکتا ہے کہ اداکارہ نے مغربی لباس زیب تن کیا ہوا ہے جس میں وہ بہت پیاری لگ رہی ہیں۔

اس سے قبل سوشل میڈیا پر ایک ویڈیو وائرل ہو گئی تھی جس میں حرا مانی اور ان کے شوہر کو دیکھا گیا تھا۔

ویڈیو میں مانی کو کہتے ہوئے سنا گیا تھا کہ جتنے بھی ہوشیار بیٹھے ہیں سن لیں ان سب کے لیے ہے کہ ہم لندن میں بیٹھے ہیں اکھاڑ لو جو اکھاڑنا ہے کچھ نہیں کر سکتے تم لوگ۔

انہوں نے مزید کہا تھا کہ خوش رہو یار ہمیں پھر بھی محبت ہے آپ سے۔

گزشتہ دنوں حرا مانی کی بیرونِ ملک لندن میں کنسرٹ کی ویڈیو سوشل میڈیا پر وائرل ہوگئی تھی جس میں انہیں بےعزتی کا سامنا کرنا پڑا تھا۔

ویڈیو میں حرا مانی اپنی پرفارمنس میں کانسرٹ کے شرکاء کو بھی شامل کرنا چاہ رہی تھیں مگر سامنے بیٹھے لوگ نہایت اُکتائے ہوئے اور خاموش نظر آئے۔

انہوں نے گانے کے کچھ بول گا کر مائیک شرکاء کے سامنے کیا مگر سب چپ رہے۔

جس پر اداکارہ نے کہا کہ میرے ساتھ گا کر اس پرفارمنس میں میرا ساتھ دیں ورنہ میں پرفارمنس شروع نہیں کروں گی، لیکن اس کے بعد بھی شرکاء چپ رہے۔

اسی دوران حرا مانی نے تھک ہار کر پاکستان زندہ باد کا نعرہ لگایا جس پر ناظرین نے بھرپور ردِ دیا۔

اداکارہ نے اس لائیو پرفارمنس کے دوران مغربی لباس کا انتخاب کیا تھا۔

ویڈیو کے وائرل ہوتے ہی سوشل میڈیا صارفین حرا مانی پر خوب تنقید کر رہے تھے۔

صارفین کا کہنا تھا کہ حرا کو یاد ہونا چاہئیے کہ وہ ایک اداکارہ ہیں گلوکارہ نہیں جبکہ کچھ صارفین نے حرا مانی کے پہناوے پر تنقید کی۔

واضح رہے کہ پاکستان کی مشہور اداکارہ حرا مانی سوشل میڈیا پر کافی متحرک نظر آتی ہیں اور اکثر اپنی تصاویر اور ویڈیوز شیئر کرتی رہتی ہیں۔