پاکستان کی مشہور اداکارہ ہانیہ عامر نے اپنی ذاتی زندگی کے حوالے سے کھل کر بات کرلی۔

حال ہی میں اداکارہ نے ایک شو میں شرکت کی جہاں انہوں نے اپنی نجی زندگی سے متعلق گفتگو کرتے ہوئے کہا کہ وہ ان کے گھر کی مرد ہیں چونکہ والدین الگ ہوگئے تھے اور بہن بہت چھوٹی ہے، اس لیے کام شروع کرنے کے بعد پورے خاندان کی ذمہ داری اٹھائی۔

ہانیہ عامر شادی کے بارے میں بہت منفرد نظریہ رکھتی ہیں لہٰذا، وہ اپنی زندگی میں کوئی ایسا چاہتی ہیں جو ان کی چھوٹی چھوٹی چیزوں کا خیال رکھے۔

انہوں نے بتایا کہ محبت دو طرفہ ہونی چاہئیے نہ کہ صرف ایک طرفہ اور بے لوث محبت کا مطلب ہے کہ آپ اپنی قدر کھو رہے ہیں۔

اس سے قبل سوشل میڈیا پر اداکارہ ہانیہ کے برائیڈل لک کی تصاویر وائرل ہو گئی تھیں۔

وائرل تصاویر میں ہانیہ عامر مہرون رنگ کا عروسی لباس زیب تن کی ہوئی تھیں جس میں وہ اور بھی زیادہ حسین لگ رہی تھیں۔

گزشتہ دنوں ہانیہ عامر نے اپنے انسٹاگرام اکاؤنٹ پر ایک ویڈیو پوسٹ کی تھی۔

ویڈیو میں اداکارہ اور عامرعدنان انصاری ماضی کی مشہور فلم کچھ کچھ ہوتا ہے کے مشہور ڈائیلاگ پر اداکاری کر رہے تھے۔

اداکارہ نے شیئر کی گئی ویڈیو کے کیپشن میں لکھا تھا کہ راہول اور انجلی کی پھر سے لڑائی ہو گئی۔

یاد رہے کہ اداکارہ ہانیہ عامر سوشل میڈیا پر کافی متحرک نظر آتی ہیں اور اکثر اپنی ویڈیوز اور تصاویر مداحوں کے ساتھ شیئر کرتی رہتی ہیں۔