پاکستان شوبز انڈسٹری کی معروف اداکارہ اور ماڈل سائرہ یوسف نے کہا ہے کہ ان کی دادی ان کو اکثر کہتی تھیں کہ چائے مت پیو سانولی ہو جاؤ گی۔

حال ہی میں معروف اداکارہ نے اپنے دیئے گئے ایک انٹرویو میں اپنی دادی کی دی ہوئی نصیحت سے متعلق گفتگو کی، دورانِ انٹرویو جب اداکارہ سے سوال کیا گیا کہ خوبصورتی کے حوالے سے کوئی ایسی نصیحت جو آپ کو کبھی دی گئی ہو؟

سوال کے جواب میں ان کا کہنا تھا کہ میری دادی کہتی تھیں کہ چائے مت پیو سانولی ہو جاؤ گی۔

انہوں نے کہا کہ لیکن یہ سچ نہیں ہے، میں بہت چائے پیتی ہوں اور میرا نہیں خیال کہ کوئی بھی چیز رنگت پر اثر ڈالتی ہے۔

واضح رہے کہ انسٹا گرام پر سائرہ یوسف کے انٹرویو کی یہ کلپ خوب وائرل ہو رہی ہے۔

خیال رہے کہ حال ہی میں آئی ایس پی آر کے ڈرامہ سیریل ’صنفِ آہن‘ میں اداکارہ سائرہ یوسف نے ایل سی آرزو ڈینئل کا کردار نبھاتے ہوئے اپنی اداکاری کے جوہر دکھائے جبکہ اداکارہ متدد ڈراموں میں بھی کام کرچکی ہیں۔