پاکستان شوبز انڈسٹری کی معروف اداکارہ ہانیہ عامر اپنی نئی ویڈیو کی وجہ سے شدید تنقید کا شکار ہو گئیں۔

سوشل میڈیا پر ہانیہ عامر کی ایک ویڈیو وائرل ہو گئی ہے جس میں انہیں ایک ڈائیلاگ پر لپسنگ کرتے ہوئے دیکھا جاسکتا ہے۔

ویڈیو وائرل ہوتے ہی اداکارہ کو سوشل میڈیا صارفین کی جانب سے شدید تنقید کا نشانہ بنایا جارہا ہے۔

ہانیہ عامر کی ویڈیو پر صارفین کی جانب سے ناراضگی کا اظہار کیا جارہا ہے اور مختلف تبصروں کا سلسلہ بھی جاری ہے۔

اس سے قبل اداکارہ نے فوٹو اینڈ ویڈیو شیئرنگ ایپ انسٹا گرام پر کچھ تصاویر شیئر کی تھیں، جس میں انہوں نے سیاہ رنگ کا لباس زیب تن کیا ہوا تھا۔

ہانیہ عامرکی ان تصاویر میں ان کی معصومیت کو مداحوں کی جانب سے بہت پسند کیا گیا تھا اور سوشل میڈیا پر صارفین کی جانب سے ان کی خوبصورتی کی تعریفیں بھی کی گئی تھیں۔

گزشتہ دنوں بھی ادکارہ نے اپنے برائیڈل فوٹو شوٹ کی تصاویر سوشل میڈیا پر شئیر کی تھیں۔

واضح رہے کہ اداکارہ ہانیہ عامر سوشل میڈیا پر بہت زیادہ متحرک رہتی ہیں اور اپنی نئی نئی تصاویر اور ویڈیو مداحوں کے ساتھ شیئر کرتی رہتی ہیں۔