پاکستان کی نامور اداکارہ سونیا حسین کی نئی ویڈیو نے مداحوں کے دل جیت لیے ہیں۔

انہوں نے اپنے تصدیق شدہ اکاؤنٹ انسٹاگرام پر ایک ویڈیو پوسٹ کی ہے جس میں وہ سخت ڈائٹ کے بعد کھانا ملنے کی خوشی اور اس کے نتائج کو شیئر کر رہی ہیں۔

اداکارہ کا ویڈیو میں بتانا تھا کہ ایک مہینے کی ڈائٹ کے بعد میں آج یہ کھانا دیکھ کر بہت خوش ہوں کہ میں یہ کھاؤ گی کیونکہ میں اس کی اصل حقدار ہوں۔

یہ ہم سب جانتے ہیں کہ وزن کم کرنا ایک مشکل کام ہے اور جو کھانے کے شوقین ہوں ،ان کے لیے یقینی طور پر اذیت ہے۔

اس سے قبل اداکارہ کی کچھ تصاویر سوشل میڈیا پر وائرل ہوگئی تھیں جس کے بعد ناقدین نے انہیں تنقید کا نشانہ بنایا تھا۔

وائرل تصاویر میں اداکارہ نے نامناسب لباس زیب تن کیا ہوا تھا جس کی وجہ سے وہ ناقدین کے نشانے پر آگئیں۔

تصاویر سوشل میڈیا پر وائرل ہوئیں تو صارفین کی جانب سے غصہ دیکھنے کو ملا کسی نے انہیں مناسب لباس پہنے کا مشورہ دیا تو کسی نے انہیں اپنے کلچر کی یاد دلائی۔

واضح رہے کہ اداکارہ سونیا حسین پاکستان کے کئی مشہور ڈراموں میں اپنی اداکاری کے جوہر دکھا چکی ہیں۔