بالی ووڈ اسٹار شاہد کپور اور ان کی اہلیہ میرا راجپوت کی ڈانس ویڈیو سوشل میڈیا پر وائرل ہو گئی ہے۔

میرا راجپوت نے ایک ویڈیو اپنے آفیشل انسٹاگرام اکاؤنٹ پر پوسٹ کی ہے جس میں انہیں شاہد اور دیگر دوستوں کے ساتھ شاندار گروپ ڈانس کرتے ہوئے دیکھا جاسکتا ہے۔

دوسری جانب اداکار شاہد کپور نے بھی ایک ویڈیو اپنے انسٹاگرام اکاؤنٹ پر شئیر کی ہے جس میں وہ ایک لڑکے ساتھ ڈانس کر رہے ہیں۔

شاہد کپور اور ان کی اہلیہ کو اپنے والدین کی شادی کی 40 ویں سالگرہ پر ڈانس کرتے ہوئے دیکھا جا سکتا ہے۔

میرا راجپوت نے ویڈیو شئیر کرتے ہوئے کیپشن بھی لکھا کہ ہم ماں اور ڈیڈی کے 40 سال منا رہے ہیں۔

مداحوں کی جانب سے ان ویڈیوز کو بہت پسند کیا جارہا ہے اور تعریفی کامنٹس کا سلسلہ بھی جاری ہے۔

اس سے قبل  شاہد کپور اور ان کی اہلیہ میرا راجپوت کی خوبصورت تصاویر سوشل میڈیا پروائرل ہوگئی تھیں۔

 اداکار شاہد کپور کی اہلیہ میرا راجپوت نے فوٹو اینڈ ویڈیو شئیر نگ ایپ انسٹاگرام پر کچھ تصاویر پوسٹ کی تھیں۔

میرا کی جانب سے انسٹاگرام پر پوسٹ کی جانے والی تصاویر میں دونوں نے مشہور زمانہ بالی ووڈ فلم ’دل والے دلہنیا لے جائیں گے‘ کے ایک منظر پر پوز دے کر تصویر بنوائی تھی۔

چند روز قبل ہی شاہد اور میرا نے اپنی شادی کی ساتویں سالگرہ منائی تھی اور انسٹاگرام پر تصاویر بھی شیئر کی تھیں۔