بالی وڈ اداکارہ سارہ علی خان نے پاکستانی ڈیزائنر کے ڈیزائن کیے ہوئے جوڑے میں فوٹو شوٹ کروا لیا۔

غیر ملکی خبررساں ادارے کے مطابق اداکارہ سارہ علی خان نے مشہور پاکستانی ڈیزائنر محسن نوید رانجھا کے ڈیزائن کیے ہوئے جوڑے میں ایک برطانوی میگزین کے لیے فوٹو شوٹ کروایا ہے۔

خیال رہے کہ کچھ عرصہ پہلے سارہ علی خان کی محسن نوید رانجھا کے ساتھ لندن میں ہونے والی ملاقات کے دوران لی گئی تصاویر میڈیاکی توجہ کا مرکز بنی تھیں۔

ڈیزائنر کی جانب سے شئیرکی جانے والی تصاویر میں اداکارہ سارہ کو گولڈن خوبصورت لباس میں دیکھا جا سکتا ہے۔

سارہ علی خان اس تصویر میں محسن نوید رانجھا کا ڈیزائن کیا ہوا برائیڈل ڈریس پہنے بہت دلکش نظرآرہی ہیں۔

اُنہوں نے یہ تصویر شیئر کرتے ہوئے لکھا کہ ’بالی ووڈ کی نواب زادی نے ہمارا جوڑا پہن کر میگزین کے لیے فوٹو شوٹ کروایا ہے اور اپنی شاہانہ دلکشی سے مسرور کیا ہے‘۔

یاد رہے کہ کچھ عرصہ پہلے سارہ علی خان کی محسن نوید رانجھا کے ساتھ لندن میں ہونے والی ملاقات کے دوران لی گئی تصاویر شئیر کی تھی۔

Advertisement

تاہم وائرل ہونے والی ان تصاویر کے بعد سے ہی مداحوں نے دونوں معروف شخصیات کے درمیان مستقبل میں شراکت داری ہونے کے امکانات کے بارے میں سرگوشیاں کرنا شروع کردی تھیں۔