بالی ووڈ اداکارہ اروشی روتیلا کا نسیم شاہ سے متعلق نیا بیان سامنے آیا ہے۔

حال ہی میں اروشی روتیلا نے نسیم شاہ کے حوالے سے ایک سوال کا جواب دیتے ہوئے کہا کہ میری میڈیا ٹیم نے سوشل میڈیا پر کچھ ایڈیٹس شیئر کیں اور وہ ان میں سے ایک تھی۔

https://twitter.com/Momminahh/status/1567184082571763712?ref_src=twsrc%5Etfw%7Ctwcamp%5Etweetembed%7Ctwterm%5E1567184082571763712%7Ctwgr%5E0c0a41736f8eebb68c4769f6cfc76a6e11964161%7Ctwcon%5Es1_&ref_url=https%3A%2F%2Freviewit.pk%2Furvashi-rautela-answers-media-questions-regarding-naseem-shah%2F

انہوں نے کہا کہ ہمارے پرستار اتنی محبت کے ساتھ ایسی ویڈیوز بناتے ہیں کہ ان کا شکریہ ادا کرنے کے لیے ٹیم ان ویڈیوز کو دوبارہ شیئر کرتی ہے اور ایسا ہی ہوا لیکن میرا اندازہ ہے کہ ویڈیو زون سے باہر چلی گئی۔

گزشتہ دنوں اروشی روتیلا نے اپنے آفیشل انسٹاگرام اکاؤنٹ پر ایک ایڈیٹ شدہ ویڈیو پوسٹ کی تھی جس کے بعد انٹرنیٹ صارفین نے اداکارہ کو نسیم شاہ میں دلچسپی ظاہر کرنے پر ٹرول کیا۔

اس سے قبل سوشل میڈیا پر خبریں گردش کر رہی تھیں کہ اداکارہ اروشی فاسٹ بالر نسیم شاہ کی دیوانی ہیں اور انہوں نے اپنی انسٹا اسٹوری پر نسیم شاہ کے ساتھ ایک ویڈیو بھی شئیر کی تھی۔

نسیم شاہ نے بھارتی اداکارہ اروشی سے متعلق اہم انکشاف کرتے ہوئے بتایا کہ مجھے نہیں معلوم اروشی روتیلا کون ہیں؟

ان کا کہنا تھا کہ جو بھی گراؤنڈ میں آتے ہیں ان سب کا شکریہ، دنیا بھر سے پیار ملتا ہے جس سے خوشی ہوتی ہے، اب مجھے نہیں پتہ کون کون میچ دیکھنے آتا ہے، لوگ ویڈیو بھیجتے ہیں تو دیکھ لیتا ہوں۔

اب اداکارہ نے نسیم شاہ کے بیان کے بعد انسٹاگرام پر شاہ کو ان فالو  کردیا ہے۔

دوسری طرف، شاہ نے خود کو پاکستانی کرکٹ ٹیم کے آنے والے اسٹارلیٹس میں سے ایک کے طور پر پیش کیا اور حالیہ ایشیا کپ 22 میں شاندار کارکردگی نے انہیں 19 سال کی عمر میں مقامی اور بین الاقوامی سطح پر پذیرائی بخشی ہے۔