بالی ووڈ کی معروف اداکارہ امیشا پٹیل پاکستانی اداکار عمران عباس کیے ساتھ کام کرنے کی خواہشمند ہیں۔

عمران عباس نے فوٹو اینڈ ویڈیو شئیرنگ ایپ انسٹاگرام پر امیشا پٹیل کے ساتھ لائیو سیشن کیا۔

اس موقع پر عمران عباس نے بتایا کہ ماضی میں انہوں نے امیشا پٹیل کے ساتھ ایک فلم پر کام شروع کیا تھا لیکن وہ مکمل نہ ہوسکی۔

اداکارہ امیشا پٹیل نے خوشی کا اظہار کرتے ہوئے کہا کہ فلمیں قوموں کو متحد کرتی ہیں۔

انہوں نے کہا کہ مستقبل میں وہ عمران عباس کے ساتھ کام کرتی نظر آئیں گی۔

دونوں فنکاروں کا کہنا تھا کہ لائیو سیشن کا مقصد محبت اور پیار کو پھیلانا ہے۔