بالی ووڈ کے نامور اداکار سیف علی خان کی بیٹی و اداکارہ سارہ علی خان کی ڈانس ویڈیو نے سوشل میڈیا پر تہلکہ مچادیا۔

سارہ علی خان نے اپنے فوٹو اینڈ ویڈیو شئیرنگ ایپ انسٹاگرام پر ایک ویڈیو پوسٹ کی ہے جس میں انہیں میک اپ آرٹسٹ کے ساتھ ڈانس کرتے ہوئے دیکھا جاسکتا ہے۔

سارہ علی خان اس ویڈیو میں لہنگا پہنے بھارتی گانے پر ڈانس کر رہی ہیں۔

وائرل ویڈیو کو مداحوں کی جانب سے بہت پسند کیاجارہا ہے اور تعریفوں کا سلسلہ بھی جاری ہے۔

اس سے قبل سارہ علی خان  نے انسٹاگرام پر فوٹوشوٹ کی تصاویر شیئر کی تھیں جس میں انہیں بولڈ انداز میں دیکھا گیا تھا۔

 سارہ علی خان اس مغربی انداز کو اپنائے بولڈ ڈریس پہنے بے حد خوبصورت نظر آرہی تھیں۔

واضح رہے کہ اداکارہ سارہ علی خان اپنے فیشن ایبل ٹرینڈی لُک کی وجہ سے ہمیشہ خبروں میں رہتی ہیں۔