قومی کرکٹ ٹیم کے کھلاڑی شاداب خان اور پاکستان کی مشہور اداکارہ کنزہ ہاشمی سے متعلق افواہوں کا بازار گرم ہوگیا ہے۔

حال ہی میں اداکارہ کنزیٰ ہاشمی سے ایک انٹرویو کے دوران میزبان نے کہا کہ شاداب خان انسٹاگرام پر آپ کو فالو کر رہے ہیں جس کے جواب میں انہوں نے کہا کہ شاید میں انہیں اچھی لگتی ہوں یا انہیں میرا کام پسند ہے، اس لیے انہوں نے مجھے فالو کر رکھا ہے۔

دوسری جانب سوشل میڈیا صارفین کا کہنا ہے کہ یہ دونوں ڈیٹنگ کر رہے ہیں کیونکہ حال ہی میں اداکارہ ایک میچ دیکھنے بھی گئی ہوئی تھیں۔

  میچ کے دوران کنزا ہاشمی نے ہرے رنگ کا لباس زیب تن کیا ہوا تھا اور ان کے ہمراہ اور بھی اداکارائیں موجود تھیں۔

بعدازاں سوشل میڈیا صارفین کا کہنا ہے کہ ان دونوں کے بیچ ضرور کچھ چل رہا ہے کیونکہ یہ میچ دیکھنے بھی گئی ہوئی تھیں، ایک صارف کا کہنا ہے کہ میرے خیال میں کنزیٰ شاداب کے لیے ہی آئی تھی، کاش دونوں کی شادی ہی ہو جائے، بہترین جوڑی ہے۔

واضح رہے کہ پاکستان کی معروف اداکارہ کنزہ ہاشمی نے بھی ایشیا کپ 2022 کے سُپر فور مرحلے میں پاکستان کی بھارت کے خلاف شاندار کامیابی پر خوشی کا اظہار کیا تھا۔

 اداکارہ کی جانب سے فوٹو اینڈ ویڈیو شیئرنگ ایپ انسٹاگرام پر دبئی اسٹیڈیم سے پاکستان کی جیت کے بعد کی چند تصاویر اور ویڈیوز شیئر کی گئی تھیں۔

اُنہوں نے تصاویر اور ویڈیوز شیئرکرتے ہوئے لکھا تھا کہ کیا دن تھا، کیا میچ تھا، اور کیا حیرت انگیز فتح ہوئی۔

کنزہ ہاشمی نے لکھا تھا کہ اس مشکل وقت میں ہمارے چہرے پر مسکراہٹ  لانے کے لیے ہمیں پوری کرکٹ ٹیم پر فخر ہے۔

یاد رہے کہ ایشیا کپ 2022 کے سپر فور مرحلے کے میچ میں پاکستان نے دلچسپ مقابلے کے بعد بھارت کو آخری اوور میں 5 وکٹوں سے شکست دی۔

ا