پاکستان شوبز انڈسٹری کی مشہور اداکارہ زرنش خان اکثر سوشل میڈیا پر اپنی نت نئی تصاویر شیئر کرتی رہتی ہیں جنہوں مداحوں کی جانب سے بھی خوب پسند کیا جاتا ہے لیکن کئی بار انہیں اپنے لباس کے چناؤ کی وجہ سے شدید تنقید کاسامنا کرنا پڑتا ہے۔

حال ہی میں معروف اداکارہ نے اپنے انسٹاگرام اکاؤنٹ کا رخ کیا جہاں انہوں نے کچھ تصاویر شیئر کیں جنہیں دیکھنے کے بعد صارفین نے انہیں شدید تنقید کا نشانہ بنایا۔

شیئر کی گئی تصاویر میں دیکھا جاسکتا ہے کہ زرنش خان ایک کشتی میں سوار ہیں جہاں انہوں نے سفید رنگ کا بغیر آستینوں والابولڈ لباس زیب تن کیا ہوا ہے اور اپنے بالوں کو کھلا چھوڑا ہوا ہے۔

اداکارہ کی تصاویر سوشل میڈیا پر وائرل ہوئیں تو صارفین نے انہیں آڑے ہاتھوں لے لیا ، صارفین نے اداکارہ کو مناسب اور خوبصورت لباس پہنے کا مشورہ دیا۔

واضح رہے کہ زرنش خان نے ڈرامہ سیریل ’سن یارا‘، ’دے اجازت‘، ’یہ دل میرا‘ اور کئی مشہور ڈراموں میں اپنی اداکاری کے جوہر دکھائے۔