بالی ووڈ کے مشہور و معروف اداکار ہریتھک روشن نے کہو نہ پیار ہے فلم سے متعلق بڑا انکشاف کردیا ہے۔

حال ہی میں اپنے دیئے گئے ایک انٹرویو میں معروف اداکار کا کہنا تھا کہ “خوشحالی بہت خاص ہے”۔

انہوں نے بتایا کہ “تقریباً 22 سال پہلے جب کہو نا پیار ہے فلم ریلیز ہوئی تھی تو میں سینما گیا تھا جہاں میں نے ناظرین کے ساتھ اپنی فلم دیکھی”۔

ان کا کہنا تھا کہ “فلم ختم ہوئی تو لوگ مجھے پہچاننے لگے، تب ہی مجھے لوگوں کی محبت کے اثرات کا احساس ہوا”۔

ہریتھک روشن نے کہا کہ “کہو نا پیار ہے سے پہلے ڈاکٹروں نے کہا تھا کہ ایکشن فلموں اور ڈانس کرنے کے لیے میری صحت ٹھیک نہیں ہے، میں نے اسے ایک چیلنج کے طور پر لیا اور ایسی فلمیں کرنے کے لیے اپنی صحت کا خاص خیال رکھا”۔

انہوں نے مزید کہا کہ “25 فلموں میں ڈانس کرنا، ایکشن کرنا اور وہ ڈائیلاگ کہنا میرے لیے حقیقی ہے، مجھے لگتا ہے کہ 21 سالہ مجھے آج مجھ پر بہت فخر ہوگا”۔

خیال رہے کہ ’کہو نہ پیار ہے‘ بالی ووڈ کی مقبول ترین فلموں میں سے ایک ہے، یہ فلم جنوری 2000 میں ریلیز ہوئی تھی۔

یہ بھی پڑھیں: امیشا پٹیل نے ریتیک روشن کے ساتھ 22 سال پرانی تصویر شیئر کردی