پاکستان کی نامور اداکارہ کبریٰ خان کی تھائی لینڈ میں بارش انجوائے کرتے ویڈیو سوشل میڈیا پر وائرل ہو گئی ہے۔

میک اپ آرٹسٹ بابر ظہیر کی جانب سے سوشل میڈیا پر ایک ویڈیو پوسٹ کی گئی ہے جس میں کبریٰ خان تھائی لینڈ کی بارش سے لطف اندوز ہورہی ہیں جہاں وہ اس وقت ایک اشتہار کی شوٹنگ میں مصروف ہیں۔

وائرل ویڈیو کو اداکارہ کے مداحوں کی جانب سے بہت پسند کیا جارہا ہے اور کمنٹس کا سلسلہ بھی جاری ہے۔

اس سے قبل اداکارہ نے اپنے انسٹاگرام اکاؤنٹ پر چند تصاویر پوسٹ کی تھیں۔

شیئر کی گئی تصاویر میں اداکارہ نے پیلے رنگ کا خوبصورت لباس پہنا ہوا تھا۔

یاد رہے کہ کبریٰ خان آخری بار بلاک بسٹر فلم لندن نہیں جاؤں گا میں مہوش حیات اور ہمایوں سعید کے ساتھ اداکاری میں نظر آئی تھیں۔

ندیم بیگ کی ہدایت کاری اور خلیل الرحمان قمر کی تحریر کردہ فلم (لندن نہیں جاؤں گا) عیدالاضحی پر ریلیز ہوئی تھی اور باکس آفس پر شاندار بزنس کیا تھا۔