پاکستان شوبز انڈسٹری کی مقبول گلوکارہ آئمہ بیگ کو امریکی گلوکارہ ٹیلر سوئفٹ کا گانا گانا مہنگا پڑگیا ہے۔

آئمہ بیگ ایک باصلاحیت اور نوجوان پاکستانی گلوکارہ ہیں جنہوں نے اپنی مسحور کن آواز سے سامعین سے بے پناہ محبت اور پہچان حاصل کی۔

آئمہ نے انڈسٹری کو مختلف ہٹ گانے دیے۔ آئمہ ان گلوکاروں میں سے ایک ہیں جو اکثر کئی وجوہات کی بناء پر سرخیوں میں رہتی ہیں۔

حال ہی میں آئمہ بیگ نے اپنے آفیشل انسٹا گرام اکاؤنٹ پر ٹیلر سوئفٹ کا مشہور گانا “وائلڈسٹ ڈریمز” گاتے ہوئے ایک ویڈیو شیئر کی۔

ویڈیو سوشل میڈیا پر وائرل ہوتے ہی صارفین نے گلوکارہ کو سخت تنقید کا نشانہ بنایا۔

ایک سوشل میڈیا صارف نے کمنٹ میں لکھا کہ “اُردو میں اچھا رو لیتی ہو، انگلش میں بہت بُرا رو رہی ہو”۔

ایک اور صارف نے لکھا کہ “استغفار شکل دیکھو اس بطخ کی”۔

سوشل میڈیا صارفین نے گلوکارہ کا خوب مذاق بنایا اور مِلے جُلے تبصرے کیے۔

واضح رہے کہ آئمہ بیگ سوشل میڈیا پر کافی متحرک نظر آتی ہیں اور اکثر اپنی تصاویر اور ویڈیوز شیئر کرتی رہتی ہیں۔