پاکستان کی معروف ماڈل و اداکارہ علیزے گبول اور زوریز ملک کے ہاں پہلے بچے کی پیدائش ہوئی ہے۔

یہ خوشخبری زوریز ملک نے اپنی انسٹاگرام اسٹوری پر دوستوں اور مداحوں کے ساتھ  شیئر کی ہے۔

تصویر میں زوریز کو اپنے نومولود بچے کو پیار کرتے ہوئے دیکھا جا سکتا ہے جسے مداحوں کی جانب سے بہت پسند کیا جارہا ہے اور دعائیں بھی دی جارہی ہیں۔

اس سے قبل ملک زوریز نے اپنے انسٹا گرام اسٹوری پر فالوورز کو خوشخبری سُناتے ہوئے بتایا تھا کہ وہ اور اُن کی اہلیہ جَلد والدین بننے جا رہے ہیں۔

علیزے گبول اور زوریز ملک کے ہاں بیٹی ہوئی ہے یا بیٹا اس سے متعلق معلومات شیئر نہیں کی گئی جبکہ متعدد سوشل میڈیا پیجز کی جانب سے دعویٰ کیا جا رہا ہے کہ اس جوڑی کے ہاں بیٹے کی پیدائش ہوئی ہے۔

یاد رہے کہ علیزے گبول اور ملک زوریز 2021ء کے آغاز میں رشتہ ازدواج میں منسلک ہوئے تھے۔