پاکستان کی معروف اداکارہ یشمیٰ گل کی نئی ویڈیو سوشل میڈیا پر وائرل ہو گئی ہے۔

یشمیٰ گل نے فوٹو اینڈ ویڈیو شئیرنگ ایپ انسٹاگرام پر ایک ویڈیو پوسٹ کی ہے جس میں انہیں ڈانس کرتے ہوئے دیکھا جاسکتا ہے لیکن یہ انداز ان کے مداحوں کو بالکل پسند نہیں آیا اور صارفین نے اداکارہ کوآڑے ہاتھوں لے لیا ۔

اس سے قبل اداکارہ  کی جانب سے فوٹو اینڈ ویڈیو شئیرنگ ایپ انسٹاگرام پر ایک ویڈیو پوسٹ کی گئی تھی۔

شئیر کی گئی ویڈیو میں اداکارہ نے پیلے رنگ کا غرارا پہنا ہوا تھا جس میں وہ بہت حسین لگ رہی تھیں اور ساتھ میں مشہور بھارتی گانا بھی سنا گیا تھا ۔

ویڈیو کو شئیر کرتے ہوئے انہوں نے کیپشن میں لکھا کہ اگر وہ آپ سے شادی نہیں کرتا تو آپ کیا کریں گے؟

گزشتہ دنوں اداکارہ یشمیٰ گل اور اداکارہ عریشہ رضی کی ڈانس ویڈیو نے سوشل میڈیا پر تہلکہ مچادیا تھا۔

سوشل میڈیا پر ایک ویڈیو وائرل ہوگئی تھی جس میں دونوں اداکاراؤں کو بھارتی گانے پر ڈانس کرتے ہوئے دیکھا گیا تھا۔

ویڈیو میں یشمیٰ گل اور عریشہ رضی گانے پر ایک جیسے پوز دے رہی تھیں جسے مداحوں کی جانب سے بہت پسند کیا گیا تھا اور تعریفوں کا سلسلہ بھی جاری تھا۔

یاد رہے کہ اداکارہ سوشل میڈیا پر کافی متحرک نظر آتی ہیں اور اکثر اپنی ویڈیوز اور تصاویر شیئر کرتی رہتی ہیں جنہیں مداحوں کی جانب سے خوب پسند کیا جاتا ہے۔