پاکستان کی ابھرتی ہوئی اداکارہ اور سوشل میڈیا ایکٹیوسٹ دنانیر مبین کو والد کے ساتھ ویڈیو شئیر کرنا مہنگا پڑگیا۔

سوشل میڈیا کے مختلف پیجز پر ایک ویڈیو وائرل ہو گئی ہے جسے دنانیر مبین نے اپنی انسٹاگرام اسٹوری میں شئیر کیا۔

ویڈیو میں اداکارہ کو اپنے والد کے پاؤں دباتے ہوئے دیکھا جاسکتا ہے۔

انہوں نے ویڈیو شئیر کرتے ہوئے لکھا کہ ابا کے پاؤں دبانہ اور وہ جب مجھ پر ڈھیروں دعاؤں کی بارش کر رہے ہوں، حقیقی سکھ، الحمدللہ۔

ویڈیو وائرل ہوتے ہی سوشل میڈیا صارفین کی جانب سے دنانیر کو شدید تنقید کا نشانہ بنایا جارہا ہے۔

اس سے قبل اداکارہ دنانیر کی مزاحیہ ویڈیو سوشل میڈیا پر وائرل ہو گئی تھی۔

سوشل میڈیا پر وائرل ویڈیو میں دنانیر کو پنجابی ڈائیلاگز پر لپسنگ کرتے ہوئے دیکھا گیا تھا۔

گزشتہ دنوں ایک سوشل میڈیا پیج نے دعویٰ کیا تھا کہ نئی سیریز ’فاطمہ جناح‘ میں اداکارہ دنانیر ایک صحافی انیتا پونم والا کا کردار ادا کریں گی جسے انہوں نے اپنی انسٹاگرام اسٹوری پر بھی شیئر کیا تھا۔

دنانیر نے اس سیریز میں اپنا لک بھی انسٹاگرام اکاؤنٹ پر شیئر کرتے ہوئے کہا تھا کہ اس تصویر میں اُنہوں نے ذرا سا بھی میک اپ نہیں کیا، بس کاجل اور گریسی ہیئر اسٹائل بنایا ہے۔

سوشل میڈیا پر ان کی پہلی جھلک وائرل ہونے پر مداحوں کی جانب سے  ان کے لیے نیک تمناؤں کا اظہار کیا گیا تھا۔

یاد رہے کہ دانیر مبین ایک نوجوان پاکستانی اداکارہ ہیں جو اپنی وائرل ویڈیو پوری ہو رہی ہے کے بعد مشہور ہو گئیں۔

دانیر نے اپنے کیرئیر کا آغاز ڈرامہ سیریل “سِنفِ آہن” کے ساتھ کچھ معروف پاکستانی اداکاراؤں کے ساتھ کیا۔