پاکستان شوبز انڈسٹری کے سینئر اداکار نعمان اعجاز کے بیٹے زاویار کو ایوارڈ ملنے پر صارفین نے نعمان اعجاز کو آڑے ہاتھوں لے لیا۔

زاویار نعمان کو حال ہی میں کینیڈا میں منعقد ہونے والے ایوارڈز شو میں بیسٹ سینسیشن کا ایوارڈ ملا جس کے بعد صارفین نعمان اعجاز کو تنقید کا نشانہ بنا رہے ہیں۔

سوشل میڈیا صارفین کا کہنا ہے کہ زاویار کو ان کے والد نعمان اعجاز کی وجہ سے ایوارڈ سے نوازا گیا ہے جو حقیقی ٹیلینٹ کے ساتھ ناانصافی ہے۔

واضح رہے کہ اداکار نعمان اعجاز اپنی ہرفن مولا اداکاری کے حوالے سے پہچانے جاتے ہیں۔

انہوں نے ایک مرتبہ اپنے انٹرویو میں کہا تھا کہ میں ایوارڈ شوز میں نہیں جاتا، اگر کبھی چلا بھی گیا تو مجھے بلیک میل کرکے لےجایا جاتا ہے۔

اداکار کا کہنا تھا کہ ایوارڈ شوز میں میرٹ کی بجائے اقرباپروی کا راج قائم ہوتا ہے، ٹیلنٹ کی قدر نہیں کی جاتی، انہیں ایوارڈ دیا جاتا ہے جن کے سوشل میڈیا پر فالورز زیادہ ہیں، اس لیے مجھے ایوارڈ شوز میں جانا پسند نہیں ہے۔