بالی ووڈ اداکار رنویر سنگھ نے انکشاف کیا ہے کہ جب اُن کی شادی اداکارہ دپیکا پڈوکون سے نہیں ہوئی تھی تب لوگ اُنہیں کہتے تھے کہ دپیکا تمہاری اوقات سے باہر ہے۔

حال ہی میں اداکار رنویر سنگھ نے فلم فیئر ایوارڈز کی تقریب کی میزبانی کی جبکہ ایوارڈز تقریب میں رنویر سنگھ کو بہترین اداکار کا ایوارڈ بھی ملا۔

Victory! ❤️#RanveerSingh looks elated as he poses with the Award for the Best Actor in a Lead Role (Male) for #83 at the 67th #Wolf777newsFilmfareAwards 2022.#FilmfareAwards #FilmfareAwards2022 pic.twitter.com/n17KnxPjZJ

— Filmfare (@filmfare) August 31, 2022

تقریب کی میزبانی کے دوران رنویر سنگھ نے خود اور وکی کوشل کو خوش قسمت ترین انسان قرار دیتے ہوئے کہا کہ وہ دونوں شہزادوں کی زندگی گزار رہے ہیں، انہوں نے کہا کہ میں اور وکی خوبصورت اور دراز قد کے نوجوان ہیں۔

ان کا کہنا تھا کہ اُنہوں نے فلم انڈسٹری میں 12 سال تک محنت کر کے مشکل سے اپنی کمائی سے حال ہی میں کروڑوں روپے کی مالیت کا عالیشان گھر خریدا ہے۔

اداکار نے بتایا کہ جب اُن کی اور دپیکا پڈوکون کی شادی نہیں ہوئی تھی اور جب وکی کوشل اور کترینہ کیف بھی میاں بیوی نہیں بنے تھے تب لوگ اُنہیں اور وکی کوشل کو طعنے دیا کرتے تھے کہ دپیکا اور کترینہ اُن کی اوقات سے باہر ہیں۔

میزبانی کے دوران رنویر سنگھ کا کہنا تھا کہ آنے والی فلم ‘تخت’ میں وہ اور وکی کوشل دونوں بھائی کے روپ میں دکھائی دیں گے۔

فلم فیئر ایوارڈز کی تقریب میں بالی ووڈ کی مشہور اور خوبصورت اداکارہ دپیکا پڈوکون کو بھی بہترین اداکاری پر ایوارڈ ملا جبکہ وکی کوشل کو بھی ایوارڈ سے نوازا گیا۔

#FilmfareAwards #FimfareAwards2022 pic.twitter.com/e8mWJmyqov

— Filmfare (@filmfare) August 31, 2022

واضح رہے کہ اداکارہ دپیکا پڈوکون اور اداکار رنویر سنگھ نے نومبر 2018 میں شادی کی تھی جبکہ وکی اداکار وکی کوشل اور اداکارہ کترینہ کیف نے دسمبر 2021 میں شادی کی۔