بھارتی خوبرو فلمی اداکارہ کریتی سینن نے اپنے مداحوں کے ہمراہ نئی دلکش تصاویر اور ویڈیو شیئر کر دی ہیں۔

سوشل میڈیا ایپلیکیشن انسٹا گرام پر 42.3 ملین فالوور رکھنے والی اداکارہ کریتی سانن نے مداحوں کے ساتھ اپنے نئے فوٹو شوٹ سے کچھ نئی دلکش تصاویر شیئر کی ہیں۔

شیئر کی گئی تصاویر میں انہیں پیلے رنگ کے بولڈ لباس میں دیکھا جا سکتا ہے جو اداکارہ کی خوبصورتی میں مزید اضافہ کررہا ہے۔

اس سے قبل اداکارہ نے شیئر کی گئی ایک تصویر کے کیپشن میں  پرانے گانے کی یاد تازہ کی ہے۔

انہوں نے کیپشن میں پرانی فلم ’داغ‘ میں مشہور گلوکار کشور کمار کے گائے ہوئے گانے کے دو بول لکھے تھے جو کہ کچھ یوں ہیں، میرے دل میں آج کیا ہے، تو کہے تو میں بتا دوں۔

دوسری جانب کریتی سینن نے اپنی ایک اور خوبصورت تصویر شیئر کرتے ہوئے مشہور زمانہ گانا گُر نال عشق میٹھا لکھا تھا۔

دونوں تصویروں میں کریتی سینن نہایت خوبصورت نظر آرہی ہیں اور اپنے مداحوں سے خوب تعریفیں بٹور رہی ہیں۔