پاکستان شوبز انڈسٹری کی معروف اداکارہ میرا جی اور بھارتی اداکارہ کترینہ کیف کی بہن ازابیل کیف فلم میں ایک ساتھ جلوہ گر ہونے کے لیے تیار ہیں۔

سوشل میڈیا کے مختلف پلیٹ فارمز پر وائرل ویڈیو میں دیکھا جا سکتا ہے کہ میرا جی اداکارہ ازابیل کیف کا شکریہ ادا کررہی ہیں۔

ساتھ ہی میرا نے ویڈیو میں ازابیل کیف کو مخاطب کرتے ہوئے کہا کہ لاک ڈاؤن کے دوران آپ نے میری اور میرے ڈائریکٹر قاسم کی بہت مدد کی اور دبئی میں فلم کی شوٹنگ کی اجازت دلوائی، اس کے علاوہ فلم کے حوالے سے سارا کام کروایا، اس پر آپ کی بہت مشکور ہوں۔

انہوں نے مداحوں کو بتایا کہ اداکارہ ازابیل کیف ان کی ٹیم کا حصّہ ہیں اور جلد ان کی فلم میں ایک اہم کردار کے ساتھ جلوا گر ہوں گی۔

تاہم مذکورہ فلم کے حوالے سے مزید معلومات اور فلم کا نام نہیں بتایا گیا۔