پاکستان شوبز انڈسٹری کی مشہور اداکارہ عروہ حسین سوشل میڈیا پر اپنے مداحوں کے لیے نت نئی تصاویر شیئر کرتی رہتی ہیں لیکن کئی بار انہیں اپنے بولڈ انداز کی وجہ سے تنقید کا سامنا کرنا پڑتا ہے۔

حال ہی میں معروف اداکارہ کی ایک تصویر سوشل میڈیا پر وائرل ہوئی جسے دیکھتے ہی صارفین میں غصے کی لہر دوڑ پڑی اور اداکارہ کو شدید تنقید کا نشانہ بنایا۔

وائرل تصویر میں دیکھا جاسکتا ہے کہ عروہ حسین گھوڑے پر بیٹھی ہوئی ہیں اور انہوں نے انتہائی نازیبا لباس زیب تن کیا ہوا ہے جو کہ صارفین کو ایک آنکھ نا بھایا۔

اداکارہ کی تصویر سوشل میڈیا پروائرل ہوئی تو صارفین کی جانب سے شدید ردعمل دیکھنے کو ملا، کسی نے ان کے لباس پر تنقید کی تو کسی نے کہا کہ دوسروں کے کلچر کو فروغ دینے سے بہتر ہے اپنے کلچر کا لباس پہنیں۔

واضح رہے کہ عروہ حسین نے  ڈرامہ سیریل ’اڈاری‘، ’گڈی‘، ’مشق‘ اور کئی مشہور ڈراموں میں اپنی اداکاری کے جوہر دکھائے۔