بالی ووڈ اداکارہ ایشوریہ رائے بچن اداکار سلمان خان کی وجہ سے کپل شرما  کے شو میں نہیں آئیں۔

سوشل میڈیا پر یہ خبریں گردش کر رہی ہیں کہ ایشوریہ رائے نے دی کپل شرما شو میں سلمان خان کی وجہ سے آنے سے انکار کیا۔

یہ افواہیں اس وقت پھیلنا شروع ہوئیں جب ایشوریا رائے کی فلم پی ایس 1 کی کاسٹ تشہیر کے لیے کامیڈی شو میں نمودار ہوئی۔

پاپرازی کی جانب سے جب شوٹ کی چند تصاویر ایک ویب پر لیک ہوئیں تو سب نے دیکھا کہ ایشوریا رائے غیر حاضر تھیں۔

جس کے بعد صارفین کی جانب سے یہ قیاس آرائیاں کی جارہی تھیں کہ سلمان خان کی پروڈکشن میں شامل ہونے کی وجہ سے شاید اداکارہ نہیں آئیں۔

اس سے قبل ایشوریہ رائے ،اکشے کے ساتھ ایکشن ری پلے کی تشہیر کے لیے بھی نہیں گئی تھیں کیونکہ پیسہ سلمان کے خیراتی ادارے میں جا رہا تھا۔