مشہور ترکش سیریز ’ارطغرل غازی‘ میں حلیمہ سلطان کا اہم کردار ادا کرنے والی ترکش اداکارہ ایسرا بلگیچ اکثر سوشل میڈیا پر اپنی نت نئی تصاویر اور ویڈیوز شیئر کرتی رہتی ہیں لیکن کئی بار انہیں اپنے بولڈ انداز کی وجہ سے سخت تنقید کا سامنا کرنا پڑتا ہے۔

حال ہی میں معروف اداکارہ نے اپنے انسٹاگرام اکاؤنٹ کا رخ کیا جہاں انہوں نے چند تصاویر شیئر کیں۔

شیئر کی گئی تصاویر میں دیکھا جاسکتا ہے کہ ایسرا بلگیچ ساحل سمندر پر موجود ہیں جہاں وہ خوشگوار ماحول سے لطف اندوز ہو رہی ہیں۔

تصاویر میں دیکھا جاسکتا ہےکہ ترک اداکارہ نے کریم رنگ کا گہرے گلے والا لباس پہنا ہوا ہے۔

اداکارہ کی تصاویر سوشل میڈیا پر وائرل ہوئیں تو کسی کو خوب پسند آئیں اور ان کی تعریفیں بھی کیں تو کسی نے انہیں لباس کی وجہ سے سخت تنقید کا نشانہ بنایا۔

واضح رہے کہ ایسرا بلگیچ نے ’ارطغرل غازی‘ کے علاوہ کئی مشہور ترکش فلموں میں اپنی اداکاری کے جوہر دکھائے۔