پاکستان شوبز انڈسٹری کے معروف اداکار شان شاہد کو قومی ٹیم کے بیٹر فخر زمان کو سوشل میڈیا پر تنقید کا نشانہ بنانا مہنگا پڑگیا۔

ایشیا کپ کے سپر فور مرحلے میں پاکستان اور بھارت کے درمیان کھیلے جانے والے میچ میں فخر زمان سے ایک اہم کیچ ڈراپ ہوا، اس کے علاوہ مس فیلڈ ہونے کی وجہ سے 2 چوکے بھی لگے۔

اس کے علاوہ جب فخر زمان بیٹنگ کے لیے آئے تو اس میں بھی کچھ خاص کمال نہیں دکھا سکے اور 18 گیندوں پر 15 رنز بنا کر آؤٹ ہوگئے۔

سماجی رابطے کی ویب سائٹ ٹوئٹر پر اپنے جاری کردہ ایک بیان میں شان شاہد نے قومی کرکٹر پر کڑی تنقید کی۔

انہوں نے اپنے ٹوئٹ میں لکھا کہ “فخر نے صرف 15 رنز بنائے، دو گیندیں تو بالکل فخر کے بلے کے درمیان آئیں اور آپ کو قومی کرکٹ ٹیم میں شامل کیا گیا ہے”۔

شان کے اس ٹوئٹ پر ایک سوشل میڈیا صارف نے اُن کو آڑھے ہاتھوں لے لیا، اور جواب میں لکھا کہ “سر آپ کی 500 فلموں میں سے 3 یا 4 دیکھنے والی ہیں، فخر نے کبھی آپ کو کچھ بولا”؟

Sir apki 500 films may say 2 ya 4 dekhnay waali haen, Fakhar nay kabhi apko Kuch bola? https://www.bolnews.com/urdu/entertainment/2022/09/537142/amp/

— Faizan Khan (@Faizankhaan91) September 4, 2022

فیضان نامی صارف کی ٹوئٹ کا اداکار نے جواب دیا کہ “اگر آپ کو آرٹس اور اسپورٹس کا فرق ہی نہیں پتہ تو آپ کا اللہ حافظ ہے”۔