مشہور تیلگو فلم ’پشپا – دی رائز‘ کی شاندار کامیابی کے بعد نامور اداکار الو ارجن فلم کے سیکوئل میں کام کرنے کے لیے تیار ہیں۔

غیر ملکی میڈیا کے مطابق فلم ’پشپا – دی رول‘ پارٹ 2 کی شوٹنگ کا آغاز اکتوبر کے وسط میں کیا جائے گا۔

گزشتہ دنوں انسٹاگرام پر اداکار الو ارجن نے ایک تصویر شیئر کی تو قیاس آرائیاں شروع ہوگئیں کہ یہ فلم میں ان کا نیا لُک ہے جبکہ فلم کے پروڈیوسر راوی شنکر نے بتایا کہ جلد ہی ان کا نیا روپ دکھا دیا جائے گا۔

میڈیا رپورٹس کے مطابق فلم کو پہلے OTT پر ریلیز کیا جائے گا جس کے 40 روز بعد فلم سینما گھروں کی زینت بنے گی۔

واضح رہے کہ 194 کروڑ روپے کے بڑے بجٹ سے بننے والی اس فلم پشپا نے ریلیز ہوتے ہی بھارتی سینما انڈسٹری کے کئی ریکارڈ توڑے تھے اور نا صرف فلم کی کہانی بلکہ اس کے گیت اور ڈائیلاگ بھی مشہور ہوئے۔

یہ پہلی بھارتی فلم ہے جس کے گیتوں کو مجموعی طور پر 5 ارب مرتبہ دیکھا گیا تھا۔