بھارتی کامیڈین و اداکار راجو شری واستو کے انتقال کے بعد ان کی آخری ویڈیو سوشل میڈیا پر وائرل ہو گئی ہے۔

آخری ویڈیو میں راجو شری واستو  کو عالمی وباء کورونا وائرس سے متعلق آگاہی کا پیغام دیتے ہوئے دیکھا جاسکتا ہے۔

انہوں نے بتایا تھا کہ بھارتی اداکار ششی کپور کورونا کے بارے میں آگاہی پیغام دیتے تو کیسے دیتے؟

وائرل ویڈیو میں راجو شری واستو نے ششی کپور کی باڈی لینگویج اور لہجے جیسی نقل کی۔

واضح رہے کہ راجو شری واستو کو 10 اگست کو ورزش کے دوران اچانک دل میں تکلیف محسوس ہوئی جس کے باعث انہیں طبی امداد کے لیے اسپتال منتقل کیا گیا جہاں ڈاکٹرز نے تصدیق کی کہ انہیں دل کا دورہ پڑا ہے۔

معروف کامیڈین کافی عرصے تک وینٹیلیٹر پر رہے، ڈاکٹرز اور اسپتال انتظامیہ نے اپنا کام نہایت جانفشانی کیا۔

راجو شری واستو 1980ء سے انٹرٹینمنٹ انڈسٹری میں کام کر رہے تھے، ان کی مقبولیت میں اضافہ سال 2005ء میں اس وقت ہوا جب انہوں نے بھارت کے ایک کامیڈی شو میں حصہ لیا تھا۔

راجو شری  واستو نے مقامی لافٹر شو سے شہرت حاصل کی جس کے بعد وہ سیاست میں بھی سرگرم ہوگئے۔

اس کے علاوہ راجو شری واستو کچھ بھارتی فلموں میں بھی کام کرچکے ہیں۔

معروف کامیڈین کا شمار اس وقت بی جے پی کے اہم رہنماؤں میں ہوتا ہے، راجو شری واستو پارٹی کے کچھ اہم رہنماؤں سے ملاقات کے لئے دہلی پہنچے تھے جہاں ان کو دل کا دورہ پڑا۔